കാര്‍ഷിക പ്രാധാന്യം കുറച്ചു കാണുകയല്ല. നെല്‍കൃഷി ഭൂമി ആവശ്യം തന്നെ. പക്ഷെ കേരളത്തിന്റെ തുണ്ടു തുണ്ടായി മുറിച്ച നെല്‍കൃഷി ഭൂമിയില്‍ വ്യവസായിക അടിസ്ഥാനത്തില്‍ കൃഷി ചെയ്യാന്‍ കഴിയില്ലാ എന്നും വ്യവസായിക അടിസ്ഥാനത്തില്‍ കൃഷി ചെയ്യാതെ കൃഷി ലാഭകരമാകില്ല എന്നും വ്യക്തം. ഇരുപത്തൊന്നാം നൂറ്റാണ്ടില്‍ നെല്‍ കൃഷി ചെയ്തെ പറ്റൂ എന്നു നിര്‍ബന്ധം പിടിക്കുന്നതും അബന്ധം തന്നെ.
പൊയിലുകളും നിര്‍ത്തടങ്ങളും നികത്തപ്പെടുന്നതു തടയുക എന്നത് വളരെ പ്രാധാന്യമര്‍ഹിക്കുന്നു. അവ നമ്മുടെ നിലനില്‍പ്പിനും മറ്റു ജീവജന്തുക്കളുടെ നിലനില്‍പ്പിനും ഏറെ അത്യാവശ്യമാണ്. ചുരുക്കത്തില്‍ നീര്‍ത്തടങ്ങളും തോടുകളും പുഴകളും സംരക്ഷിക്കാനുള്ള സമൂഹത്തിന്റെ ബാധ്യത നിറവേറ്റപ്പെടുന്നു എന്ന് ഉറപ്പാക്കേണ്ടതുണ്ട്. നമ്മുക്ക് മലനിരകളേയും സംരക്ഷിക്കേണ്ടതില്‍ നിന്നും ഒഴിഞ്ഞു മാറാന്‍ കഴിയില്ല തന്നെ. നീര്‍ത്തടങ്ങളേയും പൊയിലുകളെയും നെല്‍വയലുകളും നികത്തി കരഭൂമിയാക്കി മാറ്റാനുള്ള മന്ത്രിസഭ തീരുമാനം ജനവഞ്ചനയുടെ പര്യായങ്ങള്‍ തന്നെയാണ്.
No comments:
Post a Comment