Veliyathamparambu beach

Veliyathamparambu beach is one beach in my native panchayat, Nayarambalam, Vypeen, Ernakulam District, Kerala

ടൂറിസം**  എറണാകുളം ജില്ലയിലെ വൈപ്പിന്‍കര എന്തുകൊണ്ടും ബീച്ചുകളാല്‍ സമൃദ്ധമാണ്.  കിഴക്ക് പുഴയും പടിഞ്ഞാറ് കടലുമായി, മത്സ്യബന്ധനം ജീവനോപാധിയായി സ്വീകരിച്ച കുടുംബങ്ങള്‍ കൂടുതലുള്ള വൈപ്പിന്‍കരയില്‍ കൂടുതല്‍ ബീച്ചുകളും കായലോരങ്ങളും ടൂറിസ്സുകള്‍ക്ക് ആകര്‍ഷകമാക്കേണ്ടതുണ്ട്.  കേരളത്തിലെ മറ്റു പല ബീച്ചുകളും ലോകഭൂപടത്തില്‍ സ്ഥാനം പിടിച്ചതു പോലെ വൈപ്പിന്‍ കരയിലുള്ള ചെറായി ബീച്ചും ലോകഭൂപടത്തില്‍ സ്ഥാനം പിടിച്ചിട്ടുണ്ട്.  എറണാകുളം, നോര്‍ത്ത് പറവൂര്‍ എന്നിവിടങ്ങളില്‍ നിന്നും വൈപ്പിന്‍ കരയിലേക്കുള്ള പാലം യാഥാര്‍ത്ഥ്യമായതോടെ പ്രകൃതി മനോഹരമായ വൈപ്പിന്‍ കരയിലേക്കും തദ്ദേശീയരും വിദേശീയരുമായ അനേകം ടുറിസ്റ്റുകള്‍ എത്തുന്നു.  ചെറായി ബീച്ചിനോടൊപ്പം  വൈപ്പിന്‍കരയിലെ മറ്റുപല ബീച്ചുകളും ടൂറിസ്റ്റുകളുടെ ആകര്‍ഷണ കേന്ദ്രങ്ങളായി മാറിയിട്ടുണ്ട്.

വിദ്യാഭ്യാസം നേടിയ പുതുതലമുറയും കരിങ്കല്ലുകൊണ്ട് കല്‍ചിറ കെട്ടി സുരക്ഷിതമാക്കിയ കടലോരങ്ങളും കടലിനോടു സമാന്തരമായി കിടക്കുന്ന പാരലല്‍ ടാര്‍ റോഡുമൊക്കെ വൈപ്പിന്‍കരയിലെ ബീച്ച് ടൂറിസത്തിന് അനുഗ്രഹമായുള്ള ഘടകങ്ങളാണ്.

ചിത്രത്തില്‍ കാണുന്നത് നായരമ്പത്ത് വെളിയത്താംപറമ്പ് ബീച്ചില്‍ നിന്നെടുത്ത ചിത്രമാണ്.  കടലിലെ കുളികളില്‍ വെളിയത്താംപറമ്പ് ബീച്ചാണ് കൂടുതല്‍ സുരക്ഷിമായി തോന്നിയിട്ടുള്ളത്.  വെളിയത്താംപറമ്പ് ബീച്ച് കുത്തനെ ആഴമുള്ള ബീച്ച് അല്ലാത്തതു കൊണ്ടായിരുന്നു കടലില്‍ കുളിക്കുന്നതിന് കൂടുതല്‍ സുരക്ഷിതമായ ബീച്ച് എന്നു പറഞ്ഞത്.  കടലിന്‍റെ കാര്യമായതിനാല്‍ മണ്ണ് വച്ച് കര വക്കുന്നതും മണ്ണെടുത്ത് പോകുന്നതുമൊക്കെ കടലുമായി അത്രമാത്രം ബന്ധമുള്ളവര്‍ക്ക് മാത്രമെ തിട്ടമുണ്ടാകൂ.  വെളിയത്താംപറമ്പ് ബീച്ചിലേക്ക് പോകുന്ന ടാറിട്ട മനോഹരമായ റോഡും ഇരുവശത്തുമുളള മനോഹരമായ കാഴ്ചകളുമൊക്കെ വൈപ്പിന്‍കരയിലെ മറ്റു ബീച്ചുകളെപോലെ എടുത്ത് പറയാവുന്നതാണ്.  വെളിയത്താംപറമ്പ് ബീച്ച് റോഡിലെ വാഹനങ്ങളുടെ കുറവും റോഡിന്‍റെ വീതിയുമൊക്കെ ഈ പ്രദേശത്തെ കൂടുതല്‍ ആകര്‍ഷകമാക്കുന്നു.  

ശാസ്ത്രീയമായ ബീച്ച് ഡെവലപ്പമെന്‍റോടു കൂടിയ ഒരു മുന്നേറ്റം വെളിയത്താംപറമ്പ് ബീച്ചില്‍ വളര്‍ത്തിയെടുക്കാന്‍ ബന്ധപ്പെട്ടവര്‍ക്ക് കഴിയേണ്ടിയിരിക്കുന്നു.  ലോക ടൂറിസം മാപ്പില്‍ ബീച്ചുകളും കായലുകളുമൊക്കെ ഏറെ ടൂറിസ്റ്റുകളെ ആകര്‍ഷിക്കുന്ന ഈ കാലഘട്ടത്തില്‍ മറ്റു ബീച്ചുകളെപോലെ വെളിയത്താംപറമ്പു ബീച്ചും ലോക ടൂറിസം മാപ്പില്‍ എത്തിപ്പെടുമെന്നും നമുക്ക് ആശിക്കാവുന്നതാണ്.

എസ്.കാച്ചപ്പിള്ളി

ചെറായി ബീച്ചിന് തെക്ക് ഭാഗത്തായി ടൂറിസ്റ്റുകള്‍ക്കായി നടത്തപ്പെടുന്ന ചെറായി ബീച്ച് റെസിഡന്‍സി എന്‍റെ മൂത്ത സഹോദരന്‍റേതാണ്.  മലയാളവും തമിഴും ഹിന്ദിയും ഇംഗ്ലീഷും മാതൃഭാഷപോലെ സംസാരിക്കാന്‍ കഴിയുന്നു എന്നത് ആഥിതൃപ്രീയനായ അദ്ദേഹത്തെ  ടൂറിസ്റ്റുകള്‍ക്ക് ഏറെ പ്രിയംകരനാക്കുന്നു.  ചെറായി ബീച്ച് പോലെ വൈപ്പിന്‍കരയിലെ മറ്റു ബീച്ചുകളും വൃത്തിയിലും മനോഹാരിതയിലും മുന്നിട്ടു നില്‍ക്കുന്നു.  കാലവര്‍ഷവും കോവിഡ് 19മെല്ലാം ബീച്ച് ടൂറിസത്തിനെ ആകര്‍ഷകമാക്കുന്നില്ല.